YENİDOĞULANLARDA NEKROTİK ENTEROKOLİT ZAMANI BİOKİMYƏVİ MARKERLƏRİN PROQNOSTİK ƏHƏMİYYƏTİ

Annotasiya

Tədqiqatda yenidoğulanlarda nekrotik enterokolit zamanı biokimyəvi markerlər olan MMP-2, MMP-9, MMP-17, katelisidin, transferrin və fekal kalprotektinin proqnostik əhəmiyyəti öyrənilmişdir. Qarşıya qoyulan məqsədi həyata keçirmək üçün 110 NEK-lə xəstə yenidoğulan uşaq müayinə olunmuşdur. Bu uşaqlar NEK-in gediş mərhələlərinə görə aşağıdakı qruplara bölünmüşdür: I qrup –NEK-in I mərhələsi olan 49 xəstə, II qrup –NEK-in II mərhələsi olan 48 xəstə, III qrup –NEK-in III mərhələsi olan 13 xəstə. Sağlam qrupu praktik sağlam 30 yenidoğulan uşaq təşkil etmişdir. Tədqiqatda variasion, diskriminant, dispersion və ROC-analizlərdən istifadə olunmuşdur. Nekrotik enterokolit zamanı öyrənilən biokimyəvi markerlər arasında MMP-17, katelisidin və transferrin daha yüksək həssaslığı və spesifikliyi ilə seçilmişdir. Proqnostik qiymətləndirmə zamanı molekulyar-biokimyəvi marker olan matriks metalloproteinazaların müayinəsində ümumi diaqnostik ağırlıq testi ММP-17 üçün 87,5 %, ММП-9 üçün – 85%, ММП-2 üçün isə -85% təşkil etmişdir ki, bu da bu markerlərin proqnostik dəyərinin yüksək olmasını göstərir.