Hestasiya yaşına görə kicik yenidoğulanlarda böyrəklərin exografik və dopplerografik xüsusiyyətləri

Annotasiya

Vaxtından əvvəl doğulan hestasiya yaşına görə kiçik olan yenidoğulanlarda nefronların sayının ilk günlərdən az olması bu qrup uşaq-larda böyrək patologiyalarının uzunmüddətli inkişaf riskini artırır. İşin məqsədi: Hestasiya yaşına görə kiçik olan yenidoğulanlarda böyrəklərin xətti ölçü-lərinin və renal qan dövranının ultrasəs qiy-mətləndirilməsi. Biz, perinatal hipoksik-işemik ensefalo-patiya keçirmiş və hestasiya yaşına görə üç qrupa ayrılmış 82 yenidoğulanda böyrək qan dövranının sürət göstəricilərinin və ölçüləri-nin müqayisəli müayinəsini aparmışıq. 1-ci qrupu hamiləliyin 37-40-cı həftəsində doğul-muş 29 yenidoğulan, 2-ci qrupu hestasiya yaşı 36-33 həftə olan 25 vaxtından əvvəl doğulan, 3-cü qrupu hestasiya yaşı 29-32 həftə olan 28 vaxtından əvvvəl doğulan təşkil etmişdir. Hər qrup da öz növbəsində yarımqruplara bölün-müşdür: hestasiya yaşına uyğun olanlar (HYU), hestasiya yaşına görə kiçik olanlar (HYK). 1-ci qrupa daxil olan vaxtında doğulanlarda HYU və HYK yarımqrupları arasında böyrəklərin ölçülərində heç bir fərq müşahidə olunmadı. Əksinə,dərin vaxtından əvvəl doğulmuş uşaqlarda HYK yarımqrupu-nun göstəriciləri HYU yarımqrupunun gös-təricilərindən dürüstdərəcədə geriyə qal-mışdır.1-ci qrupa daxil olanlarda HYK ya-rımqrupunda böyrək qan dövranı sistolik və diastolik axının sürətlənməsi ilə xarakterizə olunmuşdur. 3-cü qrupa daxil olanlarda isə böyrəklərdə arterial və venoz dövranda sürət göstəricilərinin azalması müəyyən edilmişdir. Hestasiya yaşına görə kiçik olan vaxtından əvvəl doğulmuşlar böyrəklərin yetışməsinin struktur və funksional yetkinliyinin pozulması ilə xarakterizə olunur ki, bu da onları kəskin böyrək çatmamazlığının inkişafına görə risk qrupuna aid edilməsinə zərurət yaradır.