Erkən yaşlı uşaqlarda fəsadlaşmış pnevmoniya və plevritlər zamanı fibrinolitik göstəricilər

Annotasiya

Kəskin pnevmoniya uşaq yaşlarında ən çox yayılmış xəstəlik kimi qalmaqda davam edir. Ağırlaşmalarının patogene-zinin lazımınca öyrənilməməsi ilə bağlı olaraq kəskin pnevmoniyaların gedişi-nin proqnozlaşdırılması çətin məsələdir [1]. Belə vəziyyətlərdə fibrinogenin, onun törəmələrinin fibrinoliz sistemi göstəricilərinin tədqiqi az aparılmışdır [2].
Qan orqanizmin daim hərəkətdə olan daxili mühitidir. Qan laxtalanması- fermentativ prosesdir, yəni orqanizmin özündə hazırlanan bioloji aktiv birləşmələrin iştirakı və qarşılıqlı təsiri ilə gedən biokimyəvi dəyişikliklərdir. Qan laxtalanarkən qanda həll olunmuş fibrinogen adlanan zülal molekulları bir-biri ilə zəncirvari birləşərək nazik liflər əmələ gətirirlər.
Qanın formalı elementləri (qan hüceyrələri) və qalan tərkib hissələri fibrinogendən əmələ gəlmiş fibrin tellərinin kələf kimi bir-birinə dolaşaraq yaratdığı süngərəbənzər kütlənin kiçicik məsamələrini doldururlar. Beləliklə, qan laxtası əmələ gəlir [3,4,5,6].