Pediatriyanın inkişaf tarixi (Avropa və Amerika məktəbi)

Annotasiya

Pediatriya nədir? Bu, bir çox insan, xüsusən də uşaq vaxtı pediatra baş çəkmişlər üçün sadə bir sualdır. Pediatriya - sadəcə tibbin uşaqlara aid olan bir bölməsidir. Elə-dirmi? Bəli, bu, əslində belədir. Amma pediatriya ilə məşğul olan həkimlər çoxdan anlamışlar ki, uşaqlar – sadəcə böyüklərin balaca variantı deyil. Yenidoğulmuşların, kör-pələrin, məktəbəqədəryaşlı uşaqların və hətta yeniyetmələrin fiziki, psixi tələbat və prob-lemləri böyüklərinkindən fərqlənir. Pediatrlar uşaqların bütün bu tələbatları ilə onların do-ğulduğu gündən 18 yaşlarına kimi maraqlanan ixtisas sahibləridir. “Pediatriya” sözü iki yu-nan sözündən əmələ gəlmişdir: paidos – uşaq, iatreia – müalicə deməkdir [1]. İki yüz ildən az yaşı olan Pediatriya nisbətən cavan tibbi ixtisas sayılır. Pediatriya inkişaf etməmişdən əvvəl körpələrin və uşaqların tibbi ehtiyacları ailələr, dost-tanış-lar, akuşerlər tərəfindən təmin olunurdu; hə-kimlər bu populyasiyanın sağlamlığına nadir hallarda köməklik edirdilər. Pediatriyanın erkən tarixinin bəzi məqamları aşağıdakı xronologiyada verilmişdir.