VAXTINDAN ƏVVƏL DOĞULAN UŞAQLARDA SEPSİS ZAMANI ANADANGƏLMƏ İMMUNİTETİN XÜSUSİYYƏTLƏRİ

Annotasiya

Tədqiqatın əsas məqsədi vaxtından əvvəl doğulan uşaqlarda sepsis zamanı qan zərdabında sitokinlərin (İL-1β, İL-6, TNF-α, İNF-α, İNF-γ), səviyyəsində baş verən dəyişiklikləri təyin etmək və bu göstəricilərin patogenetik, proqnostik əhəmiyyətini öyrənməkdən ibarətdir. Müayinəyə 36 nəfər sepsisli vaxtından əvvəl doğulan körpə cəlb olunmuşdur. Nəzarət qrupunu 25 şərti sağlam vaxtından əvvəl doğulan təşkil etmişdir. Anadangəlmə immunitetdə sepsis zamanı aşkar edilən dəyişikliklər sitokin göstəriciləri arasında disbalansın (interleykin İL-1β, İL-6, TNF-α, səviyyəsinin yüksəlməsi fonunda İNF-α, İNF-γ sintezinin azalması) inkişafı və immun cavabın effektor funksiyasının azalması ilə səciyyələnmişdir. Alınan elmi nəticələr vaxtından əvvəl doğulanlarda sepsisin patogenezinin yeni mexanizmlərini aşkar etməyə və immun korreksiya müalicəsinin işlənib hazırlanmasına imkan verir. Qanda sirkulyasiya edən ferritin markerinin yüksəlməsi vaxtından əvvəl doğulanlarda infeksion prosesin inkişafını, onun intensivliyinin göstərir.